الرئيسية
السوري: صباح الخير ست الكل.
فيروز: صباح النور..شو قصتك كل يوم بتفيّقني الصبح؟!!
السوري: ما فيني بلاكِ والله يا ست الكل، شو بدك تغني لنا اليوم يا ترى؟!
فيروز: شو ما في غيري يغني لك من بكرة الصبح، جايي على بالي شي يوم فيق الضهر متلي متل بقية المطربين، شوف لك شي وحدة من هدول الجديدات وخليها ترقص لك وتتغمى لك شوي ..مو أحسن لك؟!
السوري: لأ مو أحسن، هدوليك عالسهرة أحلى، بعدين أنا سمِّيع قديم.
فيروز: إذا هيك فيِّق فريد وخلّصنا حاجته نوم.
السوري: لأ ولي..شو بدك ياني بلِّش نهاري بالعذاب، لأ ..كل شي ولا فريد ببوس إيدك مدام.
فيروز: له كان فيِّق عبد الحليم عفواً قصدي حليم.
السوري: هذا اتركيه للظهر بيجي متل كاسة الشاي اللي قبل الأكل.
فيروز: مالك غير نجاة أو سعاد محمد أو شادية كلهن ظريفات وبيطربوا.
السوري: لأ لأ ..هدول عالمسا بيجوا ممتازين مع الكازوز الطبيعي.
فيروز: بقطف لك بس هالمرة..هالمرة بس ع بكرة..
السوري: برررررررررررررررر
¶ فيروز: لا تقرقع بالمتة..شي وردة حمرا وبس.
فيروز: شو بكِ عم تفيقيني بنصاص الليالي أنت التانية؟!
السورية المهاجرة: لا تآخذيني مدام، بس بتوقيتنا بكندا عم أشرب القهوة الصباحية هلأ.
فيروز: على هالحالة ما عاد في نوم بنوب.
السورية المهاجرة: الله يعطيك العافية مدام ..بس ببوس إيدك تعجلي بالأغنية..هون ما فيني أتأخر عالشغل، والله لو كنت بالشام ما كان في مشكلة، التأخير عنا عادي، أصلاً إذا أجا حدا على دوامه بيستغرب مراقب الدوام اللي جايي متأخر طبعاً أكتر الشي.
فيروز: يا حبيبي يا وردة على سور
السورية المهاجرة ( تردد معها): يا حبيبي يا وردة على طول.
فيروز: على سور حبيبتي.
¶ فيروز: إي.. شوفي؟! أديش الساعة عندك؟!
السوري التكسي: تمانة المسا ..بس أنا ورديتي ليلية..هلأ فقت..وهي شفّة قهوة على حب النبي إذا ما لك مصدقة. مو على طريقي معلم..يا حبيبي يا وردة على طول.
فيروز: صباح النور..شو قصتك كل يوم بتفيّقني الصبح؟!!
السوري: ما فيني بلاكِ والله يا ست الكل، شو بدك تغني لنا اليوم يا ترى؟!
فيروز: شو ما في غيري يغني لك من بكرة الصبح، جايي على بالي شي يوم فيق الضهر متلي متل بقية المطربين، شوف لك شي وحدة من هدول الجديدات وخليها ترقص لك وتتغمى لك شوي ..مو أحسن لك؟!
السوري: لأ مو أحسن، هدوليك عالسهرة أحلى، بعدين أنا سمِّيع قديم.
فيروز: إذا هيك فيِّق فريد وخلّصنا حاجته نوم.
السوري: لأ ولي..شو بدك ياني بلِّش نهاري بالعذاب، لأ ..كل شي ولا فريد ببوس إيدك مدام.
فيروز: له كان فيِّق عبد الحليم عفواً قصدي حليم.
السوري: هذا اتركيه للظهر بيجي متل كاسة الشاي اللي قبل الأكل.
فيروز: مالك غير نجاة أو سعاد محمد أو شادية كلهن ظريفات وبيطربوا.
السوري: لأ لأ ..هدول عالمسا بيجوا ممتازين مع الكازوز الطبيعي.
فيروز: بقطف لك بس هالمرة..هالمرة بس ع بكرة..
السوري: برررررررررررررررر
¶ فيروز: لا تقرقع بالمتة..شي وردة حمرا وبس.
فيروز: شو بكِ عم تفيقيني بنصاص الليالي أنت التانية؟!
السورية المهاجرة: لا تآخذيني مدام، بس بتوقيتنا بكندا عم أشرب القهوة الصباحية هلأ.
فيروز: على هالحالة ما عاد في نوم بنوب.
السورية المهاجرة: الله يعطيك العافية مدام ..بس ببوس إيدك تعجلي بالأغنية..هون ما فيني أتأخر عالشغل، والله لو كنت بالشام ما كان في مشكلة، التأخير عنا عادي، أصلاً إذا أجا حدا على دوامه بيستغرب مراقب الدوام اللي جايي متأخر طبعاً أكتر الشي.
فيروز: يا حبيبي يا وردة على سور
السورية المهاجرة ( تردد معها): يا حبيبي يا وردة على طول.
فيروز: على سور حبيبتي.
¶ فيروز: إي.. شوفي؟! أديش الساعة عندك؟!
السوري التكسي: تمانة المسا ..بس أنا ورديتي ليلية..هلأ فقت..وهي شفّة قهوة على حب النبي إذا ما لك مصدقة. مو على طريقي معلم..يا حبيبي يا وردة على طول.
