الرئيسية
طبعا نحن اليوم في القرن الحادي والعشرين ونحن العرب لانجيد التأقلم بما يتناسب مع تطور العالم ففي كل بلدان العالم يعتبر الزواج من الأشياء التي تربط بين شخصين من عدة نواح ( عقلية وفكرية وروحية وجسدية ووو) والأنسجام بين الطرفين في تلك الأمور يعد كافيا ألا في بلادنا فعملية الزواج ( التقليدي ) خصوصا تتطلب توافق عائلتين في مجموع تلك الصفات وبالرغم من ظهور الطرائق البديلة للزواج التقليدي ( كالأنترنت وزواج الأصدقاء ووووو) الا أن الزواج التقليدي بقي هو السائد في مجتمعنا ولعدة أسباب وفيما يلي سنوضح الفروق بين الزواج التقليدي والزواج الحديث من عدة نواحي لتوضيح أيجابيات وسلبيات كل منهما .
ففي الزواج التقليدي على الفتاة أن تبقى حاطة أيد على أيد وناطرة لحتى يجي عريس الغفلة ( هي نقطة غليظة ) المهم بس يقرر الشب أنو بدو يتجوز لح يجتمعو عضاوات العيلة ( من النسوان بس ويلي أحسن وحدة فيهن معها سادس ) ويتداولو بالخيارات المتوفرة وبما أنو الشب هو حبوب الماما معناتو الخيار لازم يكون من ضمن مجموعة البنت المطيعة المغمضة الأصغر منه بشي 10 سنين ويلي ماباس تمها غير أمها طبعا هون بتسقط من المجموعة كتير أسماء لأسباب متعددة ولكن يكفي الذكر أنو هي الأسباب أبعد ماتكون عن الموضوعية
وبعد تحديد الأنسب يبدأ الموضوع بأتصال صغير وبأمكانكم تخيل السؤال الأول من أهل العروس والذي يبنى على أساسه الموضوع برمته ؟؟؟؟
لاتفكرو كتير السؤال الأول شو بيملك ووين بيشتغل وقديش معو يعني التوجه الأول مادي بحت طبعا سيادة الوالدة لح تتفشور بشرح مالكاناتك وهيبتك بين العضاوات وأذا كانو كتار مالكانتك لح يغطو على أنعدام شهاداتك وعلى مبدئ شي بيعوض عن شي وكل شي أسمة ونصيب لح تمشي الأمور طبعا بمرحلة الخطبة وماقبل العرس لح تكون أنت كشب مغلوب على أمرك ومافيك تعمل شي لأنو من الأساس مالك قائد للموضوع أولا وثانيا لأنو البنت يلي أخترتها من النوع المغمض والمطيع وبالتالي لح تقعد وأنت مكتوف اليدين وأنت تشاهد عملية التنافس بين عيلتك وعيلت خطيبتك مين بيصرف أكتر من التاني
بس يجدر التنويه لأنو هيك نوع من الزيجات بيأمن شغلة حلوة أنه في حال حدوث أي مشكلة لن تسمع تلك العبارة البغيضة ( أنا قلتلك مابدك ياها أساسا أنا كنت بعرفها وبعرف عيلتها وووو) وبالتالي هي نقطةأيجابية
هلأ مندخل للنوع الثاني وهو الزواج الحديث أي الزواج عن حب
حيث غالبا ماتبدأ هذه الأنواع من الزيجات بتعارف الشاب والفتاة قبل تعارف الأهل وغالبا أيضا مايكون هناك مجموعة من التنازلات من الطرفين لأنجاح تلك العلاقة وتحويل العبارة من ( أحباب صحاب رفقات وووووو) الى أزواج طبعا الأهل في حال كانو كتييييييييير متحضرين لح يقبلو الموضوع ولح يقبلو على مضض وهون المشكلة الكبيرة لأنو عند كل عقبة بتواجه الشريكين لح يكونو الأهل من الطرفين بموقع شرشبيل ببرنامج السنافر وعبارته الشهيرة ( سوف أقضي على هذا الزواج حتى لو كان أخر عمل في حياتي ) طبعا هون لح يكون الطرفين تحت ضغط هاااااااائل من كل الأطراف ونادرا مانلاقي حدى فهمان يوقف معهن ويساعدهن ولح ينسى الأهل العبارات يلي كانو يتغنو فيها بكل حياتهن متل ( الزواج أسمة ونصيب وشي بيغطي على شي ) ولح ينسخوها من مذكرتهن طبعا لأنو نحن منحرك الأمثال على كيفنا وأيمت مابدنا
المهم كي تنجح هذه الأنواع من الزيجات فهي بحاجة ألى عدة عوامل أساسية منها وعي كامل وعقل كبير وخصوصا للفتاة ( لأنو صعب كتير يكون مخ الرجل كبير بهيك موضيع ) ومن الجدير بالذكر أن هذه الأنواع من الزيجات تبنى على عدة عوامل على عكس النوع السابق ففي هذا النوع يلعب المستوى التعليمي و تقارب التفكير بين الطرفين دورا رئيسا ولا يمكننا أغفال التأثير المادي ألا أنه يبقى أقل منه في الأول .
وفي النهاية لابد أن نذكر أن أهم شيئ في الزواج بأي نوع من الأنواع كان هو نتيجة ذالك الزواج حيث تكمن كمالية الزواج بثمراته وتبقى عملية الزواج مفتوحة على كل الأحتمالات وبنسب متساوية بين النجاح والفشل مع تمنياتنا للجميع بالتوفيق وفي النهاية أتمنى منكم الأجابة على هذه الأسئلة
هل تفضلون الزواج التقليدي أم الزواج الحديث ؟؟؟
هل تعتقدون أن نسب نجاح الزواج التقليدي أكبر من الزواج الحديث ؟؟؟
ففي الزواج التقليدي على الفتاة أن تبقى حاطة أيد على أيد وناطرة لحتى يجي عريس الغفلة ( هي نقطة غليظة ) المهم بس يقرر الشب أنو بدو يتجوز لح يجتمعو عضاوات العيلة ( من النسوان بس ويلي أحسن وحدة فيهن معها سادس ) ويتداولو بالخيارات المتوفرة وبما أنو الشب هو حبوب الماما معناتو الخيار لازم يكون من ضمن مجموعة البنت المطيعة المغمضة الأصغر منه بشي 10 سنين ويلي ماباس تمها غير أمها طبعا هون بتسقط من المجموعة كتير أسماء لأسباب متعددة ولكن يكفي الذكر أنو هي الأسباب أبعد ماتكون عن الموضوعية
وبعد تحديد الأنسب يبدأ الموضوع بأتصال صغير وبأمكانكم تخيل السؤال الأول من أهل العروس والذي يبنى على أساسه الموضوع برمته ؟؟؟؟
لاتفكرو كتير السؤال الأول شو بيملك ووين بيشتغل وقديش معو يعني التوجه الأول مادي بحت طبعا سيادة الوالدة لح تتفشور بشرح مالكاناتك وهيبتك بين العضاوات وأذا كانو كتار مالكانتك لح يغطو على أنعدام شهاداتك وعلى مبدئ شي بيعوض عن شي وكل شي أسمة ونصيب لح تمشي الأمور طبعا بمرحلة الخطبة وماقبل العرس لح تكون أنت كشب مغلوب على أمرك ومافيك تعمل شي لأنو من الأساس مالك قائد للموضوع أولا وثانيا لأنو البنت يلي أخترتها من النوع المغمض والمطيع وبالتالي لح تقعد وأنت مكتوف اليدين وأنت تشاهد عملية التنافس بين عيلتك وعيلت خطيبتك مين بيصرف أكتر من التاني
بس يجدر التنويه لأنو هيك نوع من الزيجات بيأمن شغلة حلوة أنه في حال حدوث أي مشكلة لن تسمع تلك العبارة البغيضة ( أنا قلتلك مابدك ياها أساسا أنا كنت بعرفها وبعرف عيلتها وووو) وبالتالي هي نقطةأيجابية
هلأ مندخل للنوع الثاني وهو الزواج الحديث أي الزواج عن حب
حيث غالبا ماتبدأ هذه الأنواع من الزيجات بتعارف الشاب والفتاة قبل تعارف الأهل وغالبا أيضا مايكون هناك مجموعة من التنازلات من الطرفين لأنجاح تلك العلاقة وتحويل العبارة من ( أحباب صحاب رفقات وووووو) الى أزواج طبعا الأهل في حال كانو كتييييييييير متحضرين لح يقبلو الموضوع ولح يقبلو على مضض وهون المشكلة الكبيرة لأنو عند كل عقبة بتواجه الشريكين لح يكونو الأهل من الطرفين بموقع شرشبيل ببرنامج السنافر وعبارته الشهيرة ( سوف أقضي على هذا الزواج حتى لو كان أخر عمل في حياتي ) طبعا هون لح يكون الطرفين تحت ضغط هاااااااائل من كل الأطراف ونادرا مانلاقي حدى فهمان يوقف معهن ويساعدهن ولح ينسى الأهل العبارات يلي كانو يتغنو فيها بكل حياتهن متل ( الزواج أسمة ونصيب وشي بيغطي على شي ) ولح ينسخوها من مذكرتهن طبعا لأنو نحن منحرك الأمثال على كيفنا وأيمت مابدنا
المهم كي تنجح هذه الأنواع من الزيجات فهي بحاجة ألى عدة عوامل أساسية منها وعي كامل وعقل كبير وخصوصا للفتاة ( لأنو صعب كتير يكون مخ الرجل كبير بهيك موضيع ) ومن الجدير بالذكر أن هذه الأنواع من الزيجات تبنى على عدة عوامل على عكس النوع السابق ففي هذا النوع يلعب المستوى التعليمي و تقارب التفكير بين الطرفين دورا رئيسا ولا يمكننا أغفال التأثير المادي ألا أنه يبقى أقل منه في الأول .
وفي النهاية لابد أن نذكر أن أهم شيئ في الزواج بأي نوع من الأنواع كان هو نتيجة ذالك الزواج حيث تكمن كمالية الزواج بثمراته وتبقى عملية الزواج مفتوحة على كل الأحتمالات وبنسب متساوية بين النجاح والفشل مع تمنياتنا للجميع بالتوفيق وفي النهاية أتمنى منكم الأجابة على هذه الأسئلة
هل تفضلون الزواج التقليدي أم الزواج الحديث ؟؟؟
هل تعتقدون أن نسب نجاح الزواج التقليدي أكبر من الزواج الحديث ؟؟؟
